Øv til lytteprøven
Øv på å lytte til norsk språk, for eksempel på radio eller lytte til samtalar på norsk. Du kan og trene på eksempeloppgåver for å øve deg til lytteprøven.
Heile lytteprøven varer frå 30 til 60 minutt. Lengda varierer etter kva forprøvar og hovudprøve du får.
Lytteprøven er basert på ekte samtalar og meldingar fordi det er viktig at du kan klare deg i dagleglivet utanfor klasserommet.
For å få eit godt resultat på prøven, bør du:
- øve på å høyre på (lytte til) og forstå norsk.
- bli kjend med innhaldet i prøven og oppgåvetypane.
- øve på eksempeloppgåvene for lytteprøven.
Slik er oppgåvåene i lytteprøven
Prøven måler språk, ikkje hukommelse. Derfor er lyttetekstane korte. Dei aller lengste er på 90 sekund, men dei fleste er på mellom 10 og 30 sekund.
Til vanleg er det ofte støy i bakgrunnen når ein snakkar saman eller lyttar til noko. Det er ikkje støy i lytteoppgåvene. Nokre oppgåver har lyd som om ein person snakkar i telefonen.
Det er ikkje meir enn to stemmer i ei oppgåve, som regel ein mann og ei kvinne, slik at du lett skal kunne skilje mellom kven som seier kva.
Lydar som "eehhh" og "tja" er meir vanleg i daglegtale enn i oppgåvene.
Talen er tilpassa nivået. Særleg på låge nivå snakkar personane langsamt og tydeleg. Kandidatar på høgare nivå skal forstå raskare tale. På nivå B2 skal du kunne forstå litt dialektpreg.
Du får høyre teksten to gonger
Vanlegvis kan du be personar du snakkar med om å gjenta noko dei har sagt, om du ikkje forstår. Det kan du ikkje på prøven.
Derfor får du høyre både spørsmålet og lytteteksten to gonger på dei aller fleste oppgåvene (alle oppgåver på nivå A1–B1). Oppgåvene som er på nivå B2 får du berre høyre éin gong.
Eksempeloppgåver
Bruk eksempeloppgåvene til å vere godt forberedt på korleis oppgåvetypane ser ut, og for å bli kjend med korleis du skal svare på oppgåvene. Dette er berre eksempel. Du vil ikkje få desse oppgåvene i prøven, men du vil få oppgåver som liknar.
Du får ikkje vite kva nivå du er på. Men du får vite kor mange oppgåver du svarer rett på.
Når du opnar oppgåvene, kan du velje om du vil gjere dei på bokmål eller nynorsk.
Du må bruke ein datamaskin (pc) for å ta eksempeloppgåvene. Dei fungerer ikkje på ein mobiltelefon eller på nettbrett.
Hovudprøven på A1-A2 har oppgåver på nivå A1 og A2. (Men du kan også få B1-oppgåver i forprøvene.)
Du kan sjå eksempel i lista under på dei oppgåve-typane som finst på A1 og A2.
Om du er på A1-nivå, er det normalt at du ikkje klarer A2-oppgåvene.
Nokre oppgåver har vanskelege ord. Du kan klare mange av desse oppgåvene sjølv om du ikkje kan alle orda.
Oppgåvetypane du finn på A1-A2, er:
- Klikk i bilete og kalender
- Eksempeloppgåver: Klikk i bilete og kalender (nivå A1-A2)
- Vel rett bilete
- Eksempeloppgåver: Vel rett bilete (nivå A1-A2)
- Fleirvalsoppgåver
- Eksempeloppgåver: Fleirvalsoppgåver på nivå A1-A2
Hovudprøven på A2–B1 har oppgåver på A2- og B1-nivå. (Men du vil også få A1- og kanskje B2-oppgåver i forprøvene.)
Du kan sjå eksempel i lista under på dei oppgåve-typane som finst på A2 og B1.
Om du er på A2-nivå, er det normalt at du ikkje klarer B1-oppgåvene.
Nokre oppgåver har vanskelege ord. Du kan klare mange av desse oppgåvene sjølv om du ikkje kan alle orda.
Oppgåvetypane du finn på A2-B1 er:
- Klikk i bilete og kalender
- Eksempeloppgåver: Klikk i bilete og kalender (nivå A2)
- Vel rett bilete
- Eksempeloppgåver: Vel rett bilete (nivå A2)
- Fleirvalsoppgåver
- Eksempeloppgåver: Fleirvalsoppgåver på nivå A2-B1
- Tema-serie
- Eksempeloppgåve: Tema-serie
Hovudprøven på B1-B2 har oppgåver på B1- og B2-nivå. (Men du vil også få A1- og A2-oppgåver i forprøvane.)
Du kan sjå eksempel i lista under på dei oppgåve-typane som finst på B1 og B2.
Om du er på B1-nivå, er det normalt at du ikkje klarer B2-oppgåvene.
Nokre oppgåver har vanskelege ord. Du kan klare mange av desse oppgåvene sjølv om du ikkje kan alle orda.
Oppgåvetypane du finn på B1-B2 er:
- Fleirvalsoppgåver – to avspelingar
- Fleirvalsoppgåver – ei avspeling
- Lukeoppgåve
- Eksempeloppgåve: Lukeoppgåve
Tips til å jobbe med oppgåvene
Oppgåvene i lytteprøven er basert på ekte samtalar og meldingar fordi det er viktig at du kan klare deg i dagleglivet utanfor klasserommet. Vi anbefaler at du lyttar til så mykje «ekte» norsk som mogleg for å bli betre i lytting. Lytt til vanlege samtalar, lydfiler til lærebøker, podcastar, radio- og TV-program, og beskjedar frå for eksempel lærarar eller leiar på arbeidsplassen.
Bruk også eksempeloppgåvene til å vere godt forberedt på korleis oppgåvetypane ser ut, og for å bli kjent med korleis du skal svare på oppgåvene.
Lytt til spørsmålet og lytteteksten. På nivåa A1–B1 får du høyre oppgåva to gonger. Oppgåver på B2-nivå får du berre høyre éin gong. Du svarer ved å klikke på rett svar.
Nokre flervalgsoppgåver har to spørsmål.
Nokre oppgåver er del av ein serie som har same tema, spørsmål og svaralternativ. Fleire oppgåver kan ha same svar.
Eksempeloppgåver:
Lytt til spørsmålet og lytteteksten.
Du får høyre oppgåva to gonger.
Du svarer ved å klikke på riktig bilete eller klokke.
Eksempeloppgåver:
Lytt til spørsmålet og lytteteksten.
Du får høyre oppgåva to gonger.
Du svarer ved å klikke på riktig stad i biletet eller på riktig dag eller månad i kalenderen.
Eksempeloppgåver:
Du får fire oppgåver der ein person fortel om sine erfaringar.
For kvar oppgåve skal du svare på det same spørsmålet og velje mellom dei same svaralternativa.
Same svar kan vere rett på fleire oppgåver.
Eksempeloppgåve: Tema-serie
I denne oppgåva får du høyre fire personar snakke om eit tema. Du får høyre kvar person éin gong.
Du skal svare på to spørsmål om kvar person:
- Kven er personen?
- Kva uttrykker personen
Svar på oppgåvene mens du lyttar.
Klikk på pilene for å få opp svaralternativa. Du svarer ved å klikke på eit alternativ.
Du får cirka eit halvt minutt til å sjå på svaralternativa før den første personen begynner å snakke.
Eksempeloppgåve: Lukeoppgåve
Øv på å lytte til norsk
Vi anbefaler at du lyttar til så mykje "ekte" norsk som mogleg for å bli betre i lytting.
Du kan for eksempel lytte til:
- vanlege samtalar
- lydfiler til lærebøker
- podcastar
- radio- og TV-program (spesielt nyheitssendingar og politikarar som snakkar)
- meldingar (for eksempel frå lærar eller leiar på arbeidsplassen)